400 milionë euro për 1 sezon, Al Hilal bën ofertën e çmendur për Mbappe

Al Hilal është gati që të bëjë çmenduri për Kylian Mbappé. Sipas “RMC Sport”, klubi arab i ka bërë një ofertë të çmendur sulmuesit francez, që e lejon të fitojë 400 milionë euro, por edhe që të bashkohet me Realin e Madridit sezonin tjetër.

Al Hilal ka gati 200 milionë euro për Paris Saint-Germain, që e ka përjashtuar sulmuesin nga projekti teknik, dhe 400 milionë euro pagë vetëm për një sezon për Mbappe, që sezonin tjetër mund të largohet si lojtar i lirë për të nisur një aventurë të re me Realin.

Në 31 korrik skadon ultimatumi për rinovimin me PSG, por Mbappé e ka bërë të qartë që nuk ka ndërmend të zgjasë bashkëpunimin me francezët, sepse synon që të shkojë menjëherë te Reali.