A do të jetë gati De Bruyne për në “Euro 2020”? Vjen përgjigja nga trajneri Martinez

Belgjika është një nga kombëtaret favorite për fitimin e Euro 2020. “Djajtë e Kuq” janë pjesë e grupit B me kundërshtarë si Danimarka, Rusia dhe Finlanda.

Trajneri Roberto Martinez ka dhënë një lajm shumë të mirë së fundmi. Ylli i skuadrës, Kevin De Bruyne do të bashkohet me ekipin në stërvitje ditën e hënë.

“Nuk ka nevojë për kohë të gjatë për t’u rikthyer. Kevin do të bashkohet me ne në stërvitje të hënën, mezi po e presim”, deklaroi trajneri.

Fantazisti i Manchester City pësoi një frakturë të dyfishtë në hundë dhe në sy në finalen e Champions League, por ia ka dalë të rikuperohet.