Albin Gashi dëmtohet dhe mbyll para kohe sezonin te Kukësi

Kukësi pa Albin Gashin për dy ndeshjet e mbetura të kampionatit kundër Skënderbeu dhe Kastriotit. Mesfushori me tipare sulmuese, i lindur në Austri, ka pësuar frakturë në krah javë më parë dhe ka qenë e pamundur që ai të riaftësohet në kohë për sfidat përmbyllëse të sezonit.

Postimi i Kukësit

“Sulmuesi Albin Gashi ka mbyllur sezonin 2020-2021 për shkak dëmtimi. Një frakturë në krah e ka detyruar Gashin të qëndrojë disa javë jashtë fushave dhe pavarësisht punës së bërë nga stafi mjekësor por edhe nga vetë futbollisti, ka qenë e pamundur që të rikuperohet për ndeshjet e mbetura.

Gashi do të bashkohet me ekipin gjatë fazës përgatitore për sezonin e ri! Forca Albin! Rikthehu më i fortë!”.