Ancelotti ka vendosur të largohet nga Real Madridi

Carlo Ancelotti ka marrë vendimin për të mos vazhduar si trajner i Real Madridit pas përfundimit të sezonit aktual, edhe pse ka kontratë të vlefshme deri në vitin 2026.

Edhe nëse skuadra madrilene arrin të fitojë tituj këtë sezon dhe i kërkon të qëndrojë për të përmbushur kontratën, tekniku italian ka në plan ta mbyllë fazën e tij me “Los Blancos” në fundi të sezonit.

Nëse Ancelotti largohet, kandidati kryesor për të marrë drejtimin e Real Madridit është Xabi Alonso, trajneri aktual i Bayer Leverkusen. Edhe pse nuk është marrë ende një vendim përfundimtar, figura e Alonso shihet si opsioni ideal për ta udhëhequr ekipin e bardhë në të ardhmen.

Sidoqoftë, burime pranë tij theksojnë se ka ende shumë sezon përpara dhe në futboll gjithçka mund të ndodhë.