Anglia zbulon listën paraprake për “Euro 2020”, ja emrat që mungojnë!

Anglia është kombëtarja e radhës që ka publikuar listën për Europianin. Trajneri Gareth Southgate ka rezervuar pak surpriza në 33 emrat e përzgjedhur në listën paraprake, nga e cila duhet të heqë 7 fubollistë.

Bie në sy rikthimi në ekipin përfaqësues i mbrojtësit anësor të Liverpoolit Trent Alexander-Arnold ndërkohë që emrat me më shumë peshë të lënë jashtë nga Southgate janë Eric Dier i Tottenham, James Maddison i Leicester City dhe sulmuesi i Leeds United Patrick Bamford.

Por nëse Dier dhe Maddison kanë bërë një sezon poshtë pritshmërive nuk mund të thuhet e njëjta gjë për Bamford që ka shkëlqyer me skuadrën e drejtuar nga Marcelo Bielsa. Anglia bën pjesë në grupin D të Euro 2020 sëbashku me Kroacinë, Skocinë dhe Republikën Çeke ndërkohë që do ta nisë kompeticionin me sfidën ndaj nënkampionëve të botës më 13 qershor në “Wembley”.