‘Arena Kombëtare’, stadiumi i ri bëhet kandidat zyrtar për zvillimin e Superkupës së Europës në vitin 2019

Federata Shqiptare e Futbollit njofton se dokumentacioni i plotë për organizimin e finales së Supërkupës së vitit 2019 u nis për në UEFA dhe u hodh elektronikisht në platformën e institucionit më të rëndësishëm të futbollit europian.

Në këtë mënyrë, FSHF-ja zyrtarizon kandidaturën e Tiranës për ndeshjen mes dy skuadrave kampione të Europës pas dy vitesh kur “Arena Kombëtare” të ketë përfunduar plotësisht.

Dosja do të analizohet nga UEFA, e cila në muajin shtator do të marrë vendimin përfundimtar për vendin organizator të Superkupës së Europës në vitin 2019.