Ballkani humbet ndaj Viktoria Plzen në “Air Albania”, por ka shpresa për kualifikim

Ballkani u mund 0-1 nga Viktoria Plzen në “Air Albania”, rezultat që mban kampionët e Kosovës në vendin e fundit në grupin C të Conference League. Ndeshje me dy fytyra për djemtë e Ilir Dajës, të cilët luajtën mirë në 45 minutat e para, por  nuk ia dolën të gjenin golin e avantazhit.

Ndërkohë, Ballkani nuk tregoi asgjë në pjesën e dytë të sfidës. Çekët realizuan golin e fitores nëntë minuta përpara fundit. Sulc shfrytëzoi në maksimum daljen e gabuar të portierit Koliçi dhe me kokë dërgoi topin në rrjetë.

Ballkani luan takimin e fundit të grupit në “Maksimir” përballë Dinamos. Për t’u kualifikuar duhet fituar në Zagreb dhe Astana nuk duhet të mposhtë Plzenin.