Barcelona merr vendimin për fatin e trajnerit Koeman

Ronald Koeman do të qëndrojë te Barcelona edhe në sezonin e ardhshëm. Lajmin e ka konfirmuar media SER Catalunya, teksa zyrtarizimi pritet të bëhet ditën e premte.

Joan Laporta, president i klubit katalanas ka vendosur që ta konfirmojë strategun holandez deri në fund të kontratës së tij, e cila skadon në verën e vitit të ardhshëm.

Sipas mediave iberike, ai i ka bërë më dije Koeman që të luajë me një formacion më sulmues se sezoni aktual, në vendosjen 4-3-3. Te skuadra katalanase pritet të konfirmohet edhe Messi, ndërkohë që blerjet e reja, e kanë përforcuar edhe më shumë ekipin. /R.Lika-Koha Jone/