Bayern Munich pret Interin në Champions League, Kristjan Asllani nga minuta e parë

UEFA Champions League do zhvillojë këtë mbrëmje disa nga sfidat e fundit në grupe. Me disa ekipe që kanë marrë biletën për në fazën tjetër dhe disa të tjera që janë në kërkim të vendeve të mbetura, duelet e orës 21:00 priten të forta.

Në Gjermani, Bayern Munich pret Interin. Të dyja skuadrat kanë siguruar kalimin e grupit duke lënë në vendin e tretë Barcelonën, teksa në fushë nga minuta e parë për zikaltërit është mesfushori shqiptar, Kristjan Asllani.

Në duelin tjetër të grupit C, Barcelona luan në transfertë me Viktoria Plzen. Në “Anfield” Liverpool pret Napolin, me dy skuadrat që kanë kaluar më tej. Marseille-Tottenham dhe Sporting – Frankfurt për grupin D janë të hapura, me të katërta skuadrat që kanë shanse për të kaluar grupin.