Besnik Hasi te Olimpiakosi, kërkon dy ‘yjet’ e Barcelonës

Një ditë pasi u prezantua si trajner i Olimpiakosit, trajneri shqiptar Besnik Hasi ka shprehur hapur ambiciet e tij për të përforcuar skuadrën.

Jeremy Mathieu dhe Cristian Tello nuk janë pjesë e planeve të trajnerit të ri të Barcelonës, Ernesto Valverde, ndërsa e përditshmja katalanase “Sport” raporton se dy lojtarët në fjalë janë në radarin e Olimpiakosit.

Tello ka zhvilluar takime me përfaqësues të Olimpiakosit por ende nuk është paraqitur një ofertë zyrtare.

Ndërsa Mathieu gjithashtu kërkohet edhe nga Sporting Gijon.