Burnley ka marrë një goditje në javën e dytë të Championship, duke u mposhtur 3-1 nga West Bromwich Albion në transfertë. Skuadra ku aktivizohet sulmuesi shqiptar Armando Broja e nisi mirë takimin, por nuk arriti të ruante avantazhin.
Broja e nisi ndeshjen nga minuta e parë, por qëndroi në fushë deri në minutën e 57-të, kur u zëvendësua. Sulmuesi shqiptar pati kështu një tjetër mundësi për të marrë minuta të rëndësishme në fillim të sezonit.
Burnley kaloi në avantazh në minutën e 8-të, pas një autogoli të Callum Styles. Megjithatë, West Bromwich reagoi shpejt dhe barazoi me Harry Whitwell, duke rikthyer ekuilibrin në sfidë.
Në pjesën e dytë, vendasit përmbysën gjithçka. Isaac Price ishte protagonisti kryesor, duke shënuar dy gola, njëri prej tyre nga pika e bardhë, dhe duke i dhënë West Bromwich fitoren 3-1. Për Burnley kjo është humbja e parë në kampionat këtë sezon, pas barazimit spektakolar 2-2 ndaj West Hamit në javën hapëse.