Ceferin e tepron në komentin e turpshëm për United dhe Juventusin

I pranishëm në Kongresin e UEFA-s, presidenti i federatës europiane Aleksander Ceferin ka folur në lidhje me Super League, teksa e ka tepruar disi në komentin që ka bërë për disa nga klubet duke i sulmuar ashpër.

“Kompeticionet e UEFA-s kanë nevojë për historitë e skuadrave si Atalanta, Celtic, Rangers ose Galatasaray. Na duhen klube të tillë, njerëzit duhet të dinë se gjithçka është e mundur, që të gjithë kanë një mundësi të fitojnë.

Klubet e mëdha të sotme nuk kanë qenë gjithmonë të tillë dhe nuk ka garanci se do të jenë në të ardhmen. Ku ishte Manchester United para Sir Alex Ferguson? E dini të gjithë. Ku ishte Juventus? Ishte në Serinë B”, ka shtuar numri një i UEFA-s.

Nëse klubet që kontrollonin futbollin dhjetëra vite më parë do të kishin vendosur të krijonin një Super League, si do të kishte qenë? Do të kishin marrë pjesë Nottingham Forrest, il Porto, Crvena Zvezda. Futbolli ndryshon dhe klubet e mëdha sot duhet të kuptojnë se janë të mëdha falë UEFA-s, që ka mbrojtur rivalitetin dhe meritën sportive. Pa UEFA-n, kushedi ku do të ishin”, deklaroi Ceferin. Një koment i turpshëm nga numri një i futbollit evropian, i cili nuk duhet të bëjë gjykime të tilla.