“Championsi mund të vijojë edhe pa Juven, Realin dhe Barcelonën”

Presidenti i La Liga-s, Javier Tebas, ka dalë kundër Juventus, Real Madrid dhe Barcelonës në lidhje me Super League. Ai shtoi se La Liga nuk do të mbrojë dy klube spanjolle.

“Jam i mendimit se Champions League është gati të mos ketë Real Madrid, Barcelonën dhe Juventus. Champions vijuar edhe pa Manchester United për pesë vite. Milan është përjashtuar nga kompeticionet europiane, por turneu ka vazhduar përpara.

Nuk janë të domosdoshëm në Europë. Natyrisht, do të donim që të luanin, por faktet janë të qarta dhe UEFA duhet të veprojë. Ne si La Liga nuk do të mbrojmë asnjë skuadër spanjolle që mund të ndëshkohet”, ka përfunduar numri një i La Liga-s.