Chelsea i Lampard fiton me “poker” ndaj Crystal Palace (VIDEO)

Chelsea më në fund bën një paraqitje bindëse në Premier League. Në javën e katërt, skuadra e Lampard mori një fitore të thjeshtë 4-0 ndaj Crystal Palace.

Nuk ishte aspak e thjeshtë për Blutë e Londrës, të cilët nuk arritën që të zhbllokonin ndeshjen në 45 minutat e para, duke e mbyllur pa gola. Në fillimin e së dytë, pas një aksioni të gjatë, debutuesi Ben Chilwell godet fortë me të majtën duke e dërguar topin në fundin e rrjetës.

Në minutën e 66-të, mbrojtësi i ardhur gjatë kësaj vere u bë sërish protagonist, por këtë herë duke shërbyer një asist për Zouma, i cili do të shënonte me kokë. Më tej ndeshja u bë e thjeshtë për Chelsea-n që fitoi dy penallti, të cilat do të ktheheshin në gol nga Jorginho. /R.Lika-Koha Jone/