Chelsea pëson një tjetër humbje, ndalen edhe “Dhelprat” (VIDEO)

Chelsea vijon serinë e rezultateve negative në Premier League, duke pësuar humbjen e dytë radhazi. Bournemouth, të cilët ishin duke kaluar periudhën më të keqe me pesë humbje radhazi, kanë mposhtur vendasit me rezultatin 1-0. Golin e vetëm e realizoi Gosling në fund të ndeshjes.

Leicester është ndalur brenda nga Norwich me rezultatin 1-1. Ishin miqtë ata që kaluan të parët në avantazh me Pukki, por autogoli i portierit Krul ka barazuar pak përpara fundit të pjesës së pare. Pas pushimit vendasit u munduan me çdo mënyrë të shënonin golin e fitores, por këtë here fati nuk ka qenë me ta. Diferenca mes Liverpool tashmë ka shkuar në 10 pikë.