City prezanton mbrojtësin brazilian: Dua të lë gjurmë këtu!

Manchester City firmos me mbrojtësin brazilian, Vitor Reis. “Qytetarët” kanë paguar 30 milionë euro, në arkat e Palmeiras. Reis ka luajtur 2 ndeshje për Palmeiras U-20, ndërsa me skuadrën e parë është aktivizuar në 18 takime.

“Jam i emocionuar për t’iu bashkuar Manchester City, një prej klubeve më të mëdha në botë. Të gjithë kanë parë arritjet e mahnitshme në sezonet e fundit dhe unë dua të lë gjurmën time teksa ne kërkojmë më shumë trofe.

Të punosh me Pep Guardiola është diçka që çdo lojtar i ri dëshiron të bëjë dhe e di që ai mund të më ndihmojë të bëhem lojtari më i mirë që mund të jem.

City, gjithashtu ka shumë përvojë në punën me futbollistë brazilianë dhe bashkimi me lojtarë si Ederson dhe Savinho në skuadër do të jetë një ndihmë e madhe për mua”, tha Vitor Reis.