“Çmenden” serbët për dronin që u shfaq në stadiumin e Shkupit, ja çfarë shkruajnë (Video+Foto)

Në një ndeshje futbolli në Maqedoni mes Shkupit dhe Vardarit që u zhvillua të dielën, siç raportuam edhe atë ditë u shfaq një dron, i cili mbante flamurin e Shqipërisë së madhe. Flamur ky që u shfaq edhe në ndeshjen e famshme mes Serbisë kundër Shqipërisë në Beograd. Në ndeshje që u shfaq droni në Maqedoni e fitoi Vardari me rezultatin 2:0, por droni me flamurin kombëtar ka acaruar serbët të cilët e kanë konsideruar këtë gjë si një skandal. Serbët thonë që ky dron është shfaqur me qëllim që të ndërpresë ndeshjen dhe duke cilësojnë si një gjë të ulët këtë ngritje të dronit mbi stadium.