Cristiano Ronaldo vijon betejën ligjore me Juventusin, kërkon 19.5 milionë euro

“La Gazzetta dello Sport” raoroton se avokatët e Cristiano Ronaldo dhe Juventusit do të japin deklaratën e tyre përfundimtare sot në një betejë ligjore, ku portugezi kërkon 19.5 milionë euro për pagat e papaguara.

Ronaldo ka ndërmarrë veprime ligjore kundër ish-klubit të tij duke prenteduar se bardhezinjtë i detyrohen ende 19.5 milionë euro nga manovra e dytë e pagave në sezonin 2020-2021.

Nga ana tjetër, Juventus beson se Ronaldo nuk ka të drejtë të kërkojë një tarifë të tillë pasi ai praktikisht hoqi dorë nga paga e papaguar kur u transferua te Manchester United në verën e vitit 2021.

Dy palët kanë kaluar në fazën përfundimtare të betejës ligjore dhe do të japin fjalën e tyre përfundimtare në Gjykatën e Arbitrazhit gjatë ditës së sotme. Me shumë mundësi mund të ketë dhe ndonjë seancë tjetër gjatë janarit të vitit të ardhshëm.