De Ligt: Juven e zgjodha me matematikë, Buffon mund të ishte baba im …

De Ligt është një titullar i pazëvendësueshëm tek Juventusi. Në një intervistë për “Telegraph”, mbrojtësi i ri holandez foli për zgjedhjen e tij për t’u bashkuar me bardhezinjtë ndërkohë që dha një koment edhe për Buffon.

“Bëra llogaritë matematike, si në shkollë, vura në peshore argumentet pro dhe kundër, në fund zgjodha Juventusin. Në çdo ndeshje duhet të provoj se jam në lartësinë e detyrës. Nëse mund të mbrosh në Itali, mund ta bësh kudo. Unë jam aty ku dua të jem, ku mund të mësoj më shumë. Ka lojtarë me përvojë si Chiellini dhe Bonucci apo si Buffon dhe Ronaldo. Shikoj se çfarë bën Cristiano, si qëndron në formë. I kërkoj këshilla.

Buffon? Mund ishte babai im. Është paksa për të qeshur, sepse mënyra se si ai sillet nuk është e dikujt që ka dyfishin e moshës sime. Nëse ai ende luan, është prej forcës së tij. Ai ka kokën e një 29-vjeçari.

Ramsey? Ndoshta e kam ndihmuar unë më shumë sesa ai mua. Kam mësuar italisht para tij. Ne ndihmuam njëri-tjetrin”, deklaroi De Ligt.