Dejvi Bregu fiton “Këpucën e Artë” pas tripletës ndaj Apolonisë

Teuta u shpall kampione e e Shqipërisë. Durrsakët fituan sot titullin kampion pasi mundën me shifrat e thella 6-1 Apoloninë dhe rrëmbyen titullin, me golavarazh më të mirë se Vllaznisë, që grumbulloi po aq pikë sa skuadra e Edi Martinit.

Në ndeshjen e fundit, Dejvi Bregu tregoi formën e tij fantastike, duke shënuar një tripletë personale , duke e çuar në 16 numrin e golave të shënuar në këtë edicion të Superiores dhe rrëmbyer Këpucën e Artë. Sulmuesi vlonjat lë pas Eze-n  dhe Ibraimin me 15 gola.

Këpuca e Artë qëndron në vendin tonë pas plot 5 vitesh. Hamdi Salihi ishte shqiptari i fundit, që arrinte të fitonte këtë trofe me Skënderbeun në sezonin 2015-16.