Dilemat për stolin e Juventusit, Zidane rivalizon Allegrin

Massimiliano Allegri, Zinedine Zidane, Andrea Pirlo, Juventus dhe Real Madrid, një ekuacion me shumë të panjohura, por me shumë zëra që qarkullojnë në media.

Së fundmi “Tuttosport” është hapur me një lajm të bujshëm, që çon Allegrin te kampionët në fuqi të Spanjës. Francezi shikohet larg spanjollëve në këtë moment dhe italiani mund ta pasojë, sikurse shkruan gazeta italiane.

Nëse kjo lëvizje ndodh, atëherë te Juventusi do të rikthehej pista Zinedine Zidane. Atij i ka pëlqyer ideja që ta drejtojë ish-skuadrën e tij, por edhe Federata Franceze e Futbollit e ka në plane për ta vendosur në krye të pankinës së “gjelave”.