Dopingu, Godelli:Ku ta dinim ne të gjorët që armiku ishte me ne

Daniel Godelli përforcon akuzat se skandali i dopingut është dirigjuar nga dikush tjetër.

“Morëm pushkët, dolëm malit të luftonim për atdhe, ku ta dinim ne të gjorët që armiku ish me ne”, shkruan peshëngritësi.

Edhe pse nuk përmend emra, ai i referohet trajnerit të peshëngritësve grekë, Luan Shabani dhe presidentit të Federatës Greke të Peshëngritjes, Pirro Dhima.

Kjo, duke qenë se këta të fundit pranuan që të stërvisnin edhe peshëngritësit shqiptarë, së bashku me ata grekë.

Një ditë më parë ishte presidenti i Federatës Shqiptare të Peshëngritjes që aludonte për një komplot grek me anë të Luan Shabanit dhe Pirro Dhimës.