Dzeko rikthehet në Seria A, firmos me skuadrën e njohur

Edin Dzeko do të rikthehet sërish në Serinë A. Sulmuesi ka arritur marrëveshjen me Fiorentinën. Bëhet fjalë për një kontratë një vjeçare, me mundësi rinovimi edhe për një tjetër sezon, nëse bind me paraqitjet.

39-vjeçari boshnjak e njeh mirë kampionatin italian, pasi luajti aty nga viti 2015 deri në vitin 2023. Dzeko ishte pjesë e Romës deri në vitin 2021, më pas kaloi tek Interi, ku qëndroi për dy sezone.

Aventura dy vjeçare te Fenerbahce ka përfunduar dhe lojtari do të rikthehet në Itali. Trajneri i ri, Stefano Pioli, i cili pritet të zyrtarizohet javët e ardhshme, po mendon dyshen e sulmit me Moise Kean dhe Edin Dzeko.