E bujshme, 150 milionë euro për talentin Mbappe

Paris Saint-Germain është duke i bërë konkurrencë të madhe Real Madridit për yllin e ri të Monacos, Kilyan Mbappen.

Sipas të përditshmes sportive franceze, “L’Equipe”, ekipi nga Parisi është gati të shpenzojë 150 milionë euro për reprezentuesin francez.

“L’Equipe” shkruan se drejtori i ri sportiv i PSG-së, Antero Henrique i ka bindur drejtuesit e klubit që të transferojnë Mbappen.

Mbappe ka shkëlqyer këtë sezon me Monacon në Ligue 1, ku fitoi titullin kampion, ndërsa në Ligën e Kampionëve arritën deri në gjysmëfinale.