E ardhmja e Diego Simeone te Atlético Madrid është vënë seriozisht në pikëpyetje pas një sezoni zhgënjyes për skuadrën madrilene.
“El Cholo”, i cili ka drejtuar Atleticon për plot 16 sezone, mund të jetë drejt fundit të ciklit të tij në krye të “Colchoneros”. Mbrëmjen e fundit, madrilenët u eliminuan në finalen e Copa del Rey nga Real Sociedad pas goditjeve të penalltive, duke humbur një tjetër mundësi për trofe këtë sezon.
Aktualisht, Atletico mbetet në garë vetëm në UEFA Champions League, ku do të përballet në gjysmëfinale me Arsenal. Një eliminim i mundshëm mund të përshpejtojë vendimin për largimin e trajnerit argjentinas në fund të sezonit.
Ndërkohë, mediat spanjolle raportojnë se interes për Simeonen ka shfaqur Chelsea. Klubi londinez po mendon për një ndryshim të madh në pankinë, pasi eksperimenti me Liam Rosenior nuk ka dhënë rezultatet e pritura.
“Blutë” janë të gatshëm të nisin një projekt të ri dhe profili i Simeones shihet si ideal për të rikthyer stabilitetin dhe konkurrueshmërinë në skuadër.