Fitore të thella për Chelsea-n dhe United , Leicester pëson një humbje surprizë (VIDEO)

Chelsea dhe Manchester United kanë bërë detyrën në sfidat e javës së 22-të në Premier League, duke marrë fitoret e radhës. Blutë e Londrës triumfuan me lehtësi 3-0 ndaj Burnley-it në duelin e luajtur në “Stamford Bridge”. Jorginho zhbllokoi rezultatin në minutën e 27-të nga pika e bardhë. 10 minuta më pas Abraham shënoi me kokë pas një krosimi të bukur nga James. Në fillimin e pjesës së dytë Hudson-Odoi e pati të thjeshtë për ta shtyrë topin në rrjetë.

Manchester United ndërkohë fitoi 4-0 ndaj Norwich, duke u rikthyer te sukseset pas humbjes me Arsenalin. Rashford do të zhbllokonte rezultatin në minutën e 27-të, ndërkohë që në fillimin e pjesës së dytë shënoi nga pika e bardhë. Në minutën e 54-t, do të ishte radha e Martial për të shënuar golin e tretë, ndërkohë që talenti Greenwood shënoi një gol të bukur disa minuta më pas.

Surpriza e kësaj jave ishte padyshim humbje e Leicester 1-2 ndaj Southampton. Amstrong dhe Ings do të bënin të pavlefshëm golin e avantazhit provizor nga Praet. /R.Lika-Koha Jone/