Flick deklaroi largimin në fund të sezonit, Bayerni befason me reagimin zyrtar

Bayern Munchen nuk ka pritur aspak mirë deklaratën e Flick, i cili konfirmoi se do të largohet në fund të sezonit. Marrëdhënia jo e mirë mes drejtorit teknik Hasan Salihamidzic dhe trajnerit Hansi Flick krijoi një klimë tensioni që çoi në njoftimin e këtij të fundit se në sezonin e ardhshëm nuk do të jetë më trajner i skuadrës.

Një njoftim që duket se ka kapur të papërgatitur vetë drejtuesit e klubit, që sot publikoi një komunikatë për shtyp, ku thuhet se Flick nuk duhej ta shprehte vendimin e tij publikisht, pasi kështu shpërqendron skuadrën.

“Bayern nuk është dakord me komunikimin e Hansi Flick, të bërë në këtë moment dhe do të vijojmë bisedimet siç e kemi lënë më parë, pas ndeshjes ndaj Mainz”, lexohet në komunikatën e Bayern Munchen.