Formacionet zyrtare, Sarri me surpriza në transfertën ruse ndaj Lokomotivës

Juventus do të zbresë pas pak minutash në kërkim të kualifikimit për në fazën tjetër në Champions League. Transferta e radhës luhet në Rusi ndaj Lokomotivës së Moskës, një ekip që ua vështirësoi jo pak 90 minutat e para në Torino.

Në mungesë të De Ligt të dëmtuar, trajneri Sarri ka vendosur që të hedhë në fushë Ruganin dhe jo Demiral që ishte menduar më parë. Lëvizje surprizë edhe në mesfushë,  teksa nga minuta e parë do të luajë Rabiot dhe jo Matuidi, ndërkohë që Ramsey do të mbështesë Higuain dhe Ronaldon.

Në krahun tjetër ekipi rus do të tentojë surprizën me dyshen Eder dhe Miranchuk në fazën e sulmit.