FOTO/ Anglezët i prishin punë Milanit për Kalinic

Evertoni është i gatshëm të ofrojë 25 milionë euro për të transferuar sulmuesin kroat të Fiorentinas, Nikola Kalinic, duke i bërë kështu konkurrencë Milanit në garë për sulmuesin.

Milani ka një marrëveshje me lojtarin e Kroacisë, por kuqezinjtë ende nuk kanë arritur të gjejnë gjuhë të përbashkët me Fiorentinën, që kërkon 30 milionë euro.

Në garë tani sipas Express është futur edhe Evertoni, duke ofruar 25 milionë euro, që vlerësohet se do të jetë e mjaftueshme për të bindur Fiorentinën për të liruar lojtarin, dëshira e të cilit momentalisht është të qëndrojë në Itali dhe të presë Milanin.