FOTO / Leicester bëhet me trajner

Trajneri Craig Shakespeare, i cili ishte vetëm i përkohshëm në krye të Leicester City, tani ka nënshkruar kontratë të re deri në vitin 2020 me ish-kampionin e Anglisë.

Shakespeare zëvendësoi italianin Claudio Ranieri, që me Leicesterin arriti të fitojë Premierligën në sezonin 2015-2016.

Pavarësisht se Leicesteri e përfundoi sezonin pa asnjë fitore në tre ndeshjet e fundit, Shakespeare fitoi tetë nga 16 ndeshjet në Premierligë me ish-kampionët.

53-vjeçari e dërgoi klubin në çerekfinale të Champions League, ku u mposhtën nga Atletico Madridi.