Gafat e Strakoshës dhe Lopez, derbi Roma-Lazio mbyllet pa fitues (VIDEO)

Roma dhe Lazio nuk kanë mundur të shkojnë më shumë se një barazim 1-1 në derbin e kryeqytetit Italian. Sfida do të ishte me shumë emocione, teksa do të zhbllokohej në minutën e 26-të. Strakosha del në mënyrë të gabuar, duke i dhënë mundësinë Dzekos që të shënojë me portën gjysmë të boshatisur. Reagimi i Lazios është i menjëhershëm, me një episod të ngjashëm.

Portieri Lopez bën një gabim trashanik në minutën e 34-t, duke i dhënë mundësinë Francesco Acerbit që ta dërgonte në fundin e rrjetës. Në fillimin e pjesës së dytë arbitri Calvarese akordoi një 11-të metërsh për skuadrën verdhekuqe, për faull të Patric ndaj Justin Kluivert. Por, më pas, vetë arbitri ka shkuar në VAR dhe në monitor ka riparë episodin duke e anuluar.

Më tej loja është e barabartë me Romën që këmbënguli më shumë, por deri në fund nuk do të ndryshonte më rezultati. /R.Lika-Koha Jone/