Hakimi: Me Luis Enrique jemi 11 sulmues dhe 11 mbrojtës!

Pas fitores 1-0 ndaj Arsenalit në ndeshjen e parë gjysmëfinale të Ligës së Kampionëve, mbrojtësi i djathtë i Paris Saint-Germain, Achraf Hakimika folur  për formën që po kalon skuadra e tij nën drejtimin e Luis Enrique.

I intervistuar nga CBS Sports, ylli maroken theksoi se ndryshimi më i madh te PSG është uniteti: “Tani jemi me të vërtetë një skuadër. Edhe ata që nuk luajnë, japin gjithçka për shokët e tyre”.

Hakimi ka vlerësuar veçanërisht përkushtimin në fazën mbrojtëse të sulmuesve si Dembélé, Ramos, Doué dhe madje edhe Kvaratskhelia, duke theksuar filozofinë gjithëpërfshirëse të teknikut spanjoll: “Jemi 11 sulmues dhe 11 mbrojtës”.

Në një PSG që synon trofeun më të madh europian, uniteti dhe sakrifica kolektive po bëhen armët më të forta të skuadrës. /Koha Jonë/