Higuain ka frikë Ramosin: Shpresoj të mos na shënojë në fund

Gonzalo Higuain synon të fitojë Champions League me Juventusin dhe për këtë shpreson që Sergio Ramos nuk do të shënojë pas minutës së 90-të.

Kapiteni i Realit njihet për golat e tij në minutat e fundit, ashtu sikurse ndodhi në finale të Ligës së Kampionëve në vitin 2014 ndaj Atletico Madrid, ku shënoi në minutën e tretë shtesë.

Sumuesi bardhezi ka një mesazh për ish-shokun e tij të skuadrës në kohën kur luante në Madrid: “Real Madrid është skuadër që është mësuar me ndeshje të tilla. Është finalja e dytë radhazi dhe e treta në katër vitet e fundit. Shpresoj që Ramos nuk do të shënojë pas minutës së 90-të”.