Hysaj drejt transferimit te Roma, Napoli kërkon dy lojtarë në shkëmbim

Napoli dhe Roma vijojnë bashkëpunimin e tyre në merkato. Skuadra verdhekuqe është shumë e interesuar për mbrojtësin e Kombëtares sonë, Elseid Hysaj. Pas dështimit të tentativave në sezonin e kaluar, kjo verë mund të jetë shansi i artë. Napoli në anën tjetër kërkon që të përfitojë duke kërkuar shërbimet e dy futbollistëve në shkëmbim Cengiz Under dhe Rick Karsdorp.

Turku nuk është se ka arritur që të shkëlqejë në kryeqytetin e Italisë, ndaj dhe shihet si një lëvizje e mirë për të dyja palët. Gazeta “Corriere dello Sport” raporton se shkëmbimi është mëse i mundshëm.

Hysaj tashmë ka vendosur të mos rinovojë dhe klubi napolitan mezi pret të marrë ndonjë ofertë të mirë, duke e ditur që më pas mund ta humbasë si transferim falas.