Presidenti i FIFA-s, Gianni Infantino është i bindur që Irani do të marrë pjesë në Kampionatin Botëror të këtij viti, pavarësisht situatës së vështirë gjeopolitike dhe luftës në Lindjen e Mesme.
“Irani do të jetë në Botëror. Ata e meritojnë sepse janë kualifikuar dhe duhet që të përfaqësojnë popullin e tyre në këtë event magjik. Unë e di situatën ku ndodhemi, por shpresoj që futbolli të ndërtojë ura lidhëse dhe të vendosë paqe”.
Pavarësisht kërkesave të shumta të Iranit për t’i zhvilluar ndeshjet në Meksikë, Infantino nuk ka folur për këtë temë, por shpreh dëshirën që ata të respektojnë kalendarin. I pyetur nëse Spanja është favorite për këtë edicion, kreu i FIFA-s nuk i përjashton surprizat.
“Skuadrat si Spanja, Franca, Argjentina apo Brazili janë favorite, por në Botëror ka edhe surpriza. Prandaj ky sport është i jashtëzakonshëm”.