Inter shërohet nga Covid-19, të gjithë të gatshëm ndaj Bolognës

Lajme fantastike për Antonio Conte, që ka rikuperuar të gjithë lojtarët. Kundër Bologna-s, ndeshja e radhës në Serinë A, në qendër të mbrojtjes duhet të jetë si zakonisht De Vrij.

Pas Handanovic dhe Vecino, edhe mbrojtësi holandez, njëri prej të infektuarve me Covid-19 përpara pushimit të kombëtareve, ka rezultuar negativ në testin e fundit.

Është i sigurt grumbullimi i tij për përballjen me Bologna, por ende nuk dihet nëse do ta nisë ndeshjen si titullar. Sfida me Bolongnën do të luhet të shtunën në mbrëmje.