Interi i mbyll sërish dyert Rey Manajt, ja ku do të luajë sezonin e ardhshëm

Rey Manaj nuk do të luajë tek Interi sezonin e ardhshëm pas rikthimit nga huazimi nga Serie B. 20-vjeçari shqiptar, i cili ka kontratë me zikaltrit deri në vitin 2020 do të huazohet sërish, për të patur mundësi aktivizimi.

Në fillim të sezonit 2016-2017 Manaj u huazua te Pescara, ku u aktivizua në 13 ndeshje në total, në një rast në Kupën e Italisë, duke shënuar dy gola. Ndërsa te Pisa në Serinë B regjistroi 17 takime e dy finalizime, por kontributi i tij nuk mjaftoi për të shmangur rënien në Lela Pro.

Manaj do të kthehet formalisht tek Interi, ku nuk do të qëndrojë gjatë, pasi brenda qershorit pritet të mësojë destinacionin e tij të ri. Nuk përjashtohet mundësia që ta vijojë karrierën jashtë Italisë po në formë huazimi.