Interi mendon tërheqjen: Superliga nuk është më në interesin tonë!

Një tjetër klub i rëndësishëm në Europë tërhiqet nga projekti i Superligës. Pas gjashtë klubeve angleze, të cilat njoftuan daljen e tyre nga projekti i ri mbrëmjen e së martës, edhe Interi ndërmerr të njëjtin hap.

Sipas asaj që ANSA la mësuar natën midis të martës dhe të mërkurës, klubi zikaltër ka vendosur të tërhiqet sepse “projekti i Superligës aktualisht nuk konsiderohet më me interes nga Interi”.

Një goditje tjetër e rëndë për pesë rebelët që ende i qëndruan besnikë projektit, domethënë tri spanjollet, si dhe Juventusi dhe Milani, që për momentin, vazhdojnë të këmbëngulin, ndonëse jo me të njëjtën kokëfortësi. Në njoftimin për shtyp të lëshuar nga Superliga, në fakt, nuk përmendet tërheqja përfundimtare por vetëm dëshira për të “rimodeluar projektin”.