Interi në krizë ekonomike, futbollistët marrin vendimin për ta ndihmuar klubin

Interi është shumë pranë rikthimit te titulli pas 10 vitesh, që mund të konsiderohet si një sukses i madh për skuadrën e Contes.

Zikaltërit janë drejt këtij suksesi, por as fitimi i titullit nuk i shmang nga kriza e thellë financiare, që i ka zënë për shkak të pandemisë dhe pamundësisë së Suning për të investuar.

Lojtarët prej kohësh kanë pranuar të ulin pagat e tyre, por ata kanë vendosur ta ndihmojnë edhe më tej klubin. Nga Italia mësohet se i gjithë grupi ka vendosur të heqë dorë nga bonuset e parashikuara në kontratë për fitimin e titullit kampion.