Ish-boksieri, Muhamed Ali shtrohet në spital

Ish-kampioni i Botës në boks Muhamed Ali është shtruar në spital për shkak të një pneumonie të lehtë. Lajmin e bëjnë të ditur mediat amerikane që shtojnë se 72 – vjeçari duhet të qëndrojë i shtruar vetëm për pak ditë.

Zëdhënësi i tij ka deklaruar se është në gjendje të qëndrueshme dhe po ndiqet nga mjekët. Muhamed Ali fitues i medaljes së artë në Lojërat Olimpike të vitit 1960 vuan nga parkisoni. Ai nuk shfaqet në publik prej muajit shtator.