Islanda befason në debutim Portugalinë

Islanda ka befasuar në ndeshjen e saj të parë në kampionatin europian.

Islandezët kanë marrë një pikë shumë të rëndësishme përballë rivalëve më të fortë të grupit F, sic është kombëtarja e Portugalisë duke barazuar me rezultatin 1-1.

Një debutim mjaft pozitiv për Islandën e cila zhvilloi një 90-minutësh pozitiv dhe pse luante përballë një kundërshtari të fortë si portugezët të cilët nuk ishin në formën e tyre më të mirë.

Pavarsisht se u ndëshkuan në minutën e 31-të nga Luis Nani i cili i vetëm përvballë portierit nuk e pati të vështirë të dërgonte topin në fund të rrjetës, Islanda ndryshoi fytyrë në pjesën e dytë.

Ekipi i drejtuar nga Lars Lagerbak barazoi shumë shpejt që në minutën e 50-të me anë të Bjarnason që shënon golin e parë për Islandën në një kompeticion ndërkombëtar.

Një gol historik si për Islandën ashtu dhe për Bjarnason, duke qene së do hyjë në histori si futbollisti i parë i Islandes që shënon në një kampionat europian.

Minutat e fundit nuk sollën asnjë ndryshim në rezultat pavarsisht përpjekjeve të Portugalisë e cila zhvilloi një lojë të dobët.

Një nisje pozitive për Islandën që merr një pikë të rëndësishme përbllë pretendetëve të grupit F. TEMA