Italia, Inzaghi lë pas mundësinë e Gattusos: Jetesa në Arabinë Saudite më e rehatshme

Simone Inzaghi, ish-trajneri i Interit, ka folur për mundësinë e tij për të marrë drejtimin e kombëtares italiane, duke shprehur se ndihet i nderuar nga kjo propoizim, por preferon të qëndrojë në Arabinë Saudite, ku aktualisht drejton Al Hilal dhe ka ende një vit kontratë. Ai ka theksuar se vendimi i tij nuk lidhet me aspektin financiar, pasi për të nuk ishte një faktor kryesor, por lidhet më shumë me cilësinë e jetës dhe qetësinë profesionale që gjeti në vendin e ri.

Inzaghi shpjegon se largimi nga Italia i dha mundësinë të marrë frymë larg presionit të madh që kishte përjetuar në Serie A dhe të përjetojë futbollin në një mënyrë më të qetë, pa tensionin e përditshëm që lidhet me drejtimin e një klubi të madh si Interi. Ai shpreh kënaqësi për eksperiencën që pati në Itali dhe për sukseset profesionale të arritura, por thekson se vendimi për të kaluar në Arabinë Saudite ishte një zgjedhje e menduar për jetën personale dhe për mënyrën si dëshiron të ushtrojë profesionin e tij.

Inzaghi vlerëson jetesën në Arabinë Saudite, duke përmendur infrastrukturat moderne, si sportive ashtu edhe jo sportive, si dhe qetësinë që e shoqëron në punën e tij të përditshme. Ai thekson se vendi i ri i ka dhënë mundësinë të zhvillojë futbollin në nivel të lartë, por në një ambient më të relaksuar dhe pa stresin e madh që kishte përjetuar më parë.

Për më tepër, ai shpreh keqardhje për faktin që Italia nuk do të jetë pjesë e Botërorit për të tretën herë radhazi, duke treguar dashurinë dhe lidhjen e fortë me vendin e tij. Megjithatë, ai shpreh besimin se futbolli italian do të rimarrë fuqinë dhe prestigjin e tij në arenën ndërkombëtare, duke nënvizuar se ky rikthim është çështje kohe dhe përpjekjeje.