James nuk preferohet nga Zidane, kolumbiani zgjedh klubin e ri

Ylli kolumbian, James Rodriguez, pritet të largohet nga Real Madridi gjatë kësaj vere, pasi nuk po luan rregullisht që prej ardhjes së Zinedine Zidanes në krye të skuadrës

Ish-lojtari i Portos dhe Monacos ka shumë oferta nga skuadra të njohura si Chelsea, Manchester City, Manchester Untied, Inter e Juventus. Sipas mediave spanjolle dhe angleze, fantazisti i madrilenëve preferon transferimin te Manchester United.

Edhe më parë është raportuar se “Djajtë e Kuq” do ta transferojnë kolumbianin, por deri tani nuk ka pasur asgjë konkrete.

James u transferua te Real Madrid në vitin 2014 për 80 milionë euro nga Monaco. Ai ka zhvilluar 109 ndeshje me kampionêt e Europës, duke shënuar 36 gola.