”Jemi shumë të nevrikosur”, Inzaghi: Gabimi i arbitrit na hoqi fitoren

”Jemi shumë të nevrikosur”, tha Simone Inzaghi dhe protestoi ashpër ndaj arbitrit menjëherë pas përfundimit të ndeshjes ndaj Monzës, të përfunduar në barazim 2-2, por që për trajnerin e Interit, duhet të ishte mbyllur 3-1 për ekipin e tij.

“Jemi shumë të nevrikosur. Te goli i anuluar i Acerbit arbitri vërshëlleu faull dhe nuk e kuptoj si mund të ndodhë kjo pas 5 vitesh me VAR-in në funksion. Na hoqi dy pikë sepse do të ishte rezultati 3-1.

Është gabim i papranueshëm. Janë dy lojtarë të Monzës që u penguan me njëri-tjetrin. Nëse përmendim dhe shtyllën në fund të Lautaros, nuk do të isha këtu duke folur për një barazim”, tha Simone Inzaghi.