Johan Krujf: “Topin e Artë” duhet ta marrë një gjerman

Lahm më pëlqen shumë. Sigurisht jo nga pamja, por për faktin se është i aftë të luajë thuasje në cdo pozicion.  Ai ka bërë një punë fantastike për shumë vite. Pastaj edhe Nojer është një portier i shkëlqyer, që e meriton këtë çmim.”

Kohët e fundit janë përhapur zëra se presidenca aktuale po planifikon shitjen e Lionel Mesit nëse i fiton zgjedhjet e 2016, por Krujf është i bindur se ylli argjentinas askund nuk do të ndihej më mirë se te Barca: “I vetmi që mund të marrë vendime është vetë Mesi. Mund të ketë klube që janë të gatshëm të paguajnë 200 milionë euro për kartonin e tij, por nuk mendoj se Mesi do të largohej për para, sepse këtu te Barcelona nuk ka asnjë problem përsa i përket anës ekonomike.

Ai duhet të luajë futboll i qetë, sipas mënyrës së tij, dhe besoj se te Barcelona, Leo e ka këtë komoditet”. Pyetjes nëse do të ishte i gatshëm të rikthehej në strukturat drejtuese të klubit, holandezi iu përgjigj: “Unë kam bërë gjithcka në këtë klub, kam qenë lojtar, trajner, president nderi… të shohim cfarë do të ndodhë. Nuk e kam idenë nëse mund të kthehem dhe tani nuk e mendoj këtë gjë”. Në lidhje me rikandidimin e mundshëm të Joan Laportës për postin e presidentit të Barcelonës, Krujf tha se kjo është një cështje personale e ish-drejtuesit më të lartë të klubit katalanas, ndaj nuk mund të komentojë asgjë më tepër.