Juventus humb 1 milion euro nga mesfushori që transferohet te rivalët e ‘urryer’

Mesfushori i Juventusit, Tomas Rincon, të premten (nesër) do të kryejë testet mjekësore te Torino, para se të kompletojë transferimin për 7 milionë euro, plus dy të tjera bonuse, te klubi granata.

“Sky Sport Italia” dhe “Tuttosport” raportojnë se klubet tashmë kanë arritur marrëveshje dhe zyrtarizmi do të bëhet të premten.

“Zonja e Vjetër” sipas Express do të përfitojë nga kjo shitje 7 milionë euro.

Rincon luajti 19 ndeshje me fanellën bardhezi, teksa ishte blerë për 8 milion euro nga Genoa. Kështu që kampionët e Italisë humbasin 1 milion euro nga mesfushori, përpos faktit që ai do të transferohet te rivalët e qytetit.