Kastrioti mbetet në Superiore, fiton finalen e “Play Out kundër Tomorit

Kastrioti ka arritur që të fitojë finalen e “Play Out” kundër Tomorit për të mbetur  në elitën e futbollit shqiptar pas pothuajse një dekade.

Krutanët mposhtën beratasit me rezultatin 2-1, me golat e shënuar nga Xhuljo Mehmeti ne fund të pjesës së parë dhe me Ermir Rezin, që në minutën 69 i preu gjunjët miqve që po sulmonin për barazim, që u “ngushëlluan” me një gol në minutën e fundit shtesë nga Klinti Qato.

Në fundin e pjesës së parë, beratasit ishin të pafat duke goditur një traversë, ndërkohë që do të ndëshkoheshin disa sekonda më pas.