Kategoria e Parë, udhëheqin Sopoti dhe Tërbuni

Sporti E Shtunë, 17 Prill 2021 08:32

Ndeshjet e parafundit të këtij viti në Kategorinë e Parë, ose ato të javës së 11-të, kanë konfirmuar Tërbunin e Pukës në krye të klasifikimit, në Grupin A, dhe thuajse ky ekip është shpallur kampion dimri në zonën e veriut, një javë para mbylljes së garës. Në Grupin B, Sopoti i Librazhdit mban kreun dhe do të diskutojë javën që vjen me Dinamon në Tiranë, vendin e parë. Lushnja mban vendin e dytë në këtë grup, një pikë larg Sopotit dhe Dinamo në vend të tretë, dy pikë pas kryesuesve. Sopoti fitoi në Peqin, në fushë asnjanëse me Luftëtarin e Gjirokastrës, 1-0, në fundin e ndeshjes, falë golit të Lecit. Për të marrë kreun Sopoti përfitoi edhe nga barazimet e Dinamos dhe të Lushnjës, në transfertë.

Sakaq, Tërbuni edhe në rast humbje në ndeshjen e ardhshme e ka të sigurtë kreun, pasi fitoi sot ndaj Kamzës në transfertë 2-1 me gola të Rocës e Ndrecës. Mamurrasi fitoi në fushë të Burrelit 2-1 dhe mban vendin e dytë, ndërsa Besëlidhjes i është dashur të rikthehet në fushën e saj, për të fituar ndaj Adës së Velipojës, 3-2 dhe për të mbetur pretendente, ndoshta fazën tjetër që të rikthehet e para. Në janar, ekipet pritet të ndryshojnë dhe në varësi të merkatos, ato