Kategoria Superiore, Partizani “bie” në Vlorë, Tirana “dy shuplaka” Skënderbeut

Sporti E Shtunë, 17 Prill 2021 08:28

Surpriza në dy ndeshjet e fundit të javës së 16-të në Kategorinë Superiore. Takimi mes Flamurtarit dhe Partizanit, i vlefshëm për javën e 16-të të Superiores, u mbyll 1-0 në favor të ekipit vlonjat. Pesë minuta para fundit, kur u duk se ndeshja do të mbyllej në barazim pa gola, Shehaj gjeti rrugën e rrjetës për vendasit dhe i dha tre pikë të çmuara Flamurtarit. Pavarësisht humbjes, Partizani mban kryesimin edhe pas javës së 16-të. Skënderbeu mund ta kishte barazuar me pikë në rast fitoreje, por u ndal nga Tirana, në “Qemal Stafa” 2-0. Tashmë janë bardheblutë, qërikuperojnë pas humbjes në derbi dhe afrohen në vend të dytë, një pikë larg Partizanit. Tirana, edhe pse u rikthye pa tifozët e saj, e ka nisur më vrullshëm takimin duke sulmuar dhe duke ushtruar presion që në minutat e para. Skënderbeu i Mirel josës tregon në shumë momente paqartësi në lojë. Rasti i parë shënohet në minutën e 5-të kur Ndikumana niset vrullshëm drejt portës së Shehit, por ndalet në mënyrë të parregullt nga Jashanica dhe arbitri jep faull dhe goditja e dënimit shpërdorohet. Vetëm 3 minuta më vonë është sërish Ndikumana, i cili këtë radhë ndryshon krah dhe mer një top nga mesi i fushës, del i vetëm përballë Shehit, ku nuk e ka aspak të vështirë te realizojë. 1-0. Tirana kalon në epersi. Mbyllen 45 minutat e para me këtë episod dhe me avantazhin e Tiranës. Pjesa e dytë ka nisur menjëherë me ndryshim rezultati. Ndikumna dyfishon shifrat në minutën e 50-të, pasi përfitoi nga një pakujdesi e e mbrojtjes mike. Tirana e vendosur mirë në mbrojtje, në minutat e mbetura, ndërsa Skënderbeu u duk se u pajtua me këtë rezultat. Pa ndonjë rast të veçantë mbyllen 45 minutat e para të ndeshjes, Vllaznia-Laçi, që u zhvillua në “Loro Boriçi”. Edhe pjesa e dytë nuk dha atë që pritej dhe Laçi, edhe pse përpiqet të tregohej më agresiv, nuk e rrezikoi seriozisht portën e Selimaj. Në minutën e 4-ët shtesë, Vllaznia gjen golin me anë të uruguaianit Soza, i cili shfrytëzon si duhet një krosim dhe realizon një gol të bukur me kokë. Vllaznia mer fitoren e katërt rradhazi dhe e sheh veten në kuotën e 20 pikëve, 1 pikë më pak se Laçi. Por surprizë ishte fitorja e Elbasanit në Fier, 1-0, që rihap garën në fund të klasifikimit. Rreth 15 minuta para përfundimit, Lamçja shënoi golin e fitores, duke befasuar vendasit. Elbasani ngjitet në kuotën e 9 pikëve dhe barazon Apoloninë, ndërkohë që Teuta ndodhet pesë pikë para tyre, por ka ndeshje direkte me fierakët, një javë më vonë.