Kompania me “pullë të kuqe” tundon Interin me 23 milionë euro

Një faqe me “pullë të kuqe” si sponsor në fanellë në vend të Pirelli-t. Ky është propozimi më i ri për fanellën e Interit në sezonin e ri. “Stripchat” është gati që të paguajë  23 milionë euro për t’u bërë sponsori kryesor për sezonin e ardhshëm.

Marrëdhënia mes klubit milanez dhe Pirelli-t do të përfundojë në qershor dhe, siç dihet, kontrata nuk do të rinovohet. Për këtë arsye mendohet se Stripchat mund të jetë një zgjedhje e mirë në këtë periudhë të vështirë që ka pushtuar klubin zikaltër.